Dette er ei delvis naturleg lita ur som og kan ha vore nytta til å anlegga eit gravminne. Sjølve konstruksjonen gav eit rotete inntrykk med unntak av moglege veggsteinar som kunne ha utgjort eit kammer. Røysa kan ha hatt eit tverrmål på 5 - 6 m, med eit kammer med indre mål på 1 x 2 m. Om dette ein gong har vore eit gravminne, må det ein gong i tida ha vorte utsett for opning og plyndring. Konstruksjonen kan truleg sjåast i samanhang med dei andre anlegga på staden. Ei datering til slutten av romertid/folkevandringstid vil då vera sannsynleg.
Gravminnet er i dag fjerna.
Det er fylt ut massar på staden, og naturgassleidning til Mongstad går gjennom området.