Estimert lokalitetsutbreiing er sett til 70m2. Lokaliteten har ikkje status som kulturlagslokalitet. Forstyrrelsar av dei funnførande laga er ikkje påvist. Funnspreiinga på lokaliteten dannar eit logisk mønster i alle høve horisontalt. Den vertikale funnfordelinga internt i prøvestikka gir eit meir diffust bilete. Det funnførande laget består av eit kolblanda grått sandlag med forvitra stein, og verkar ikkje forstyrra. Det er ikkje påvist funn i torvlaget på lokaliteten. Den vertikale avgrensinga består av synkande funnfrekvens, då det finst store mengder lausmassar på lokaliteten er ingen av prøvestikka avgrensa på bergoverflata. Funnmaterialet består hovudsakleg av flint, 77%. I tillegg finst kvarts 22% og bergkrystall 3%. Bipolar teknikk er tilstades både i form av avlag, kjernar og kjernefragment. Det er ikkje påvist plattformteknikk eller flekkeproduksjon i materialet. Den lokale strandforsyvingskurva syner at lokaliteten ligg omlag 4,5 meter over tapes maksimum. Den bakre strandlinjedateringa for lokaliteten blir dermed 9800 BP. Det arkeologiske materialet er ikkje i samsvar med det nivået det ligg på. Lokaliteten vert difor kun generelt datert til stienalder, men er truleg ikkje eldre enn atlantisk tid.