Hovudkonsentrasjonen på lokaliteten, representert ved 5 prøvestikk med funnfrekvens på over 100 funn, ligg sentralt på flata midt på ryggen og nedover ein skråningskant i nord, nordvest. Nedafor i denne skråninga står ruinane etter den gamle driftsbygningen på garden. Estimert utbreiing av lokaliteten er 300m2. Funnmaterialet i prøvestikka er funne i eit dyrkingslag og i sandhaldig undergrunn. Det er ikkje påvist kulturlag på lokaliteten. Generelt er funnfrekvensen høgast i overgangen mellom dyrkingslaget og undergrunn. Funnspreiingsbiletet mellom prøvestikka på lokaliteten og særskilt mellom stikka med høgast funnfrekvens, gir likevel eit inntrykk av at det finst intakte lommer av primærdeponert arkeologisk materiale tilstades og at den horisontale forflyttinga ikkje er omfattande av karakter. Totalt er det smala inn 1248 artefaktar frå lokaliteten, der 577 er mikroavslag og 491 er avslag. Dianostiske reiskapsfunn er representert ved eit nakkefragment av ei trinnøks i grønnstein og ei tverrpil i flint. Denne funnsamansetninga kan indikere ei datering til siste del av seinmesolitikum. I tillegg er det i prøvestikk GJ 37, som ligg untanfor det sentrale området på lokaliteten, funne ein lansettmikrolitt. Denne representerer truleg eit lausfunn av meir eller mindre redeponert tidlegmesolittisk materiale sentralt på innmarka. Den bakre stranlinjedateringa for lokaliteten 9600 BP. Dersom ein brukar ein margin på to meter mellom lokaliteten og vassflata ligg lokaliteten framleis ein meter over tapesnivået. Funnmaterialet frå seinmesolitkum er såleis i harmoni med regresjonshistoria.