Lokaliteten, som ikkje er ein kulturlagslokalitet, ligg på dyrka mark, under eit 25-30cm tjukt torv og dyrkingslag. Estimert utbreiin er sett til 50m2. Undergrunnsmassane i området er relativt homogene og består stadvis av hardpakka brunraud sandjord med innslag av stein i knyttneve storleik. Dei funnførande massane i sjakta ligg umiddelbart i overgangen mellom dyrkingslaget og undergrunnen, og har ei dybde på maksimalt 20 cm ned i undergrunnen. I einskilde stikk er det kun restane etter funnførande lag ein kan sjå konturane av i sjaktoverflata. Brorparten er truleg spreia utover av dyrking, dreneringsaktivitet, dessverre har nok og noko av funnmaterialet gått tapt i søkesjaktingsprosessen. Funnmaterialet peikar i retning av tidlegmesolitikum, sjølv om sikre diagnostiske artefaktar frå denne perioden saknast. Avslagmaterialet og kjernefragmen syner spisse avspaltingsvinklar og vitnar om at brorparten av materialet er slått i direkte hard teknikk. Det finst ein fragmentert skiferspiss funnen i undergrunnen i prøvestikk AN34. Ei flekke i fin grå kvartsitt er funnen i sjakt 46. Det finst difor og ein tidligneolitisk fase, av uviss storleik, representert i funnmaterialet. Bakre strandlinjedatering av lokaliteten er 9700 BP. Ut frå ei sama vurdering vert lokaliteten datert til tidlegmesolitikum, men det fins spor etter tidligneolittisk aktivitet på lokaliteten.