I tilknyting til det eine prøvestikket vart det avdekt restane etter ein eldstad. Eldstaden ligg heilt inn mot ein steil bergvegg på ei lita lun flate 16 meter over havet omlag 20 meter sør for Øklandsvatnet. Eldstaden teiknar seg som eit jarnhaldig trekollag avgrensa til ein meter i diameter. På flata kor eldstaden ligg veks det for det meste gras, men og litt lyng og busker. Eldstaden teiknar seg som eit jarnhaldig trekollag avgrensa til ein meter i diameter. Stratigrafien i prøvestikk 1 syner øvst 14 cm med torv (1). Under torva kjem det eit 20 cm tjukt lag med humushaldig sand- og grusmasse (2). Nedst i laget er det litt trekol. Under dette igjen kjem eit 6 cm tjukt mørkt trekolhaldig og humushaldig sand- og gruslag (3). Laget inneheld for det meste forholdsvis store bitar med trekol. Nedst kjem steril grå sand og forvitra stein.