Det er tatt tre prøvestikk på lokaliteten som alle var funnførande. Prøvestikk 1 vart grave ved registreringskurset 1995, medan stikk 2 og 3 vart grave i mars 2000. På flata varierar tjukna på torva noko, men er i for det meste berre 5 cm tjukk (lag 1). Under dette kjem det eit vel 20 cm tjukt lag med brun humushaldig sand- og grusmasse (lag 2). I prøvestikk 2 var det eit heiltrokke kollag (lag 3) i nedre del av lag 2. Trekollaget var 5 cm tjukt. Kva dette trekollaget representerar er vanskeleg å avgjera. Er det ei generell avsviing i området skulle me forventa å finna kollaget igjen i dei andre stikka på lokaliteten, noko vi ikkje gjorde. Dette gjer at me mest truleg kan knyta trekollaget til aktivitet på lokaliteten, og då truleg til ein eldstad. Under dette kom det eit tilsvarande lag som 2. Lag 4 er 10 cm med lys sand og grus som truleg er gammal strand eller sjøbotn. Nedst finn me eit mørkare lag med sand og grus (sterilt). Topografien på staden, saman med prøvestikka, gjer at me kan avgrensa lokaliteten til å vera på ca 50 kvm i storleik.
2018: I følgje fråsegn av 2001, er lok. 2 ein meir tilfeldig funnstad og ikkje ein lokalitet. Oppdatert art og vernestatus.