Flata som lokaliteten ligg på er om lag 40 meter nord ¿ sør, og 20 meter aust ¿ vest. Topografisk er lokaliteten avgrensa av berg i alle retningar, sett vekk i frå mot sør og søraust kor den store myra ligg. Lokaliteten har lege på ei flate mellom den dåverande strandlinja og den brattare skråninga i vest. Topografien på staden, saman med prøvestikka, gjer at me kan avgrensa lokaliteten til å vera om lag 50 kvadratmeter i storleik. Ut frå plasseringa, mengda funn, stratigrafi og samansetninga på funna ser lokaliteten ut til å vera ein aktivitetsplass, og ikkje ein buplass. Det er teke 4 prøvestikk på lokaliteten, der eitt var funnførande. Prøvestikk 1 vart grave ved registreringskurset, medan stikk 2, 3 og 4 vart grave i januar 2000. På flata varierar tjukna på torva noko, men er for det meste berre 5 cm tjukk (lag 1). Under dette kjem det eit vel 20 cm tjukt lag med mørk brun matjord blanda med litt sand og grus (lag 2). Nedst finn me eit mørkare lag med sand og grus (steril). Lokaliteten er forstyrra av seinare jordbruksaktivitet (lag 2).