Lokaliteten er lyng og grasgrodd og her veks mykje brake. Lokaliteten måler om lag 9 X 5 m NA-SV og NVSA. På lokaliteten veks fleire store furetre. Det vart teke til saman 3 prøvestikk på og rundt lokaliteten. 2 av prøvestikka var funnførande. Under den brune torva som var frå 12-25 cm tjukk (lag 1 og 2) vart det funne eit grått til brunt grus- og sandlag som var funnførande. Laget svarer til lag 3 i prøvestikk 2 og lag 4 i prøvestikk 1. Laget var om lag 8 cm tjukt. Under dette laget kjem eit grått sand og gruslag i prøvestikk 1. Dette laget vart solda for seg og var ikkje funnførande. I prøvestikk 2 kan det sjå ut til at dette laget er eit utvaska lag. Under dette laget finn ein i prøvestikk 2 berg. Heile lokaliteten er temmeleg steinete så ein må rekne med at stratigrafien varierar noko. Her er eit kraftig vatnsig fleire stader noko som gjer at ein må rekne med ein del utvasking på lokaliteten. Ei datering til mellommesolittikum / seinmesolittikum er den mest trulege men her kan og vera fleire bruksfasar.