Jernvinneanlegg med 6 kolgroper, slagghaug og malmrik jord.
Utgraving 2007:
Utgravinga viste at lokaliteten besto av ein omn med tilhøyrande slagghaug. Omnen var ein sjaktomn med slaggavtapping, ein type som i dag er kjent frå i store deler av Sør-Noreg. I tillegg blei det påvist malmlager, kollager og røsteplass ved anlegget, noko som er normalt ved denne typen jarnvinneanlegg. Spesielt interessant er det at det ved denne lokaliteten blei påvist ein mogleg smiplass, som vitnar om grovbearbeiding av jarn på staden.
Dateringane frå lokaliteten indikerer at aktivitetane hovudsakleg har føregått i vikingtid og tidleg mellomalder, sjølv om ein ikkje kan utelukke at aktiviteten går tilbake til eldre jarnalder.
Kolgroper:
Alle kolgropene blei snitta med gravemaskin. Det blei
ikkje påvist faseinndeling i nokon av dei utgravde kolgropene.
Kolgropene på Buhaugane verkar alle å være ovale og bolleforma, og vesentleg mindre enn kolgroper på Hovden i Setesdal (Bloch-Nakkerud 1987), Dokkfløy (Larsen 1991), Rødsmoen (Narmo 1997) og 52 Gråfjell (Damlien og Rundberget 2007, Rundberget 2007).
Frå registreringa var ein kolprøve frå kolgrop 97831/2 datert til 890-1060 e. Kr. (Dokset 2005). Ein ny prøve frå denne gropa blei datert til 880-1030 e. Kr. For øvrig blei kolgropene datert til mellom 670 og 1270 e. Kr., med hovudvekt på vikingtid og tidleg mellomalder.