Beskrivelse fra lokalitet:
Innanfor lokaliteten vart det gravd to positive sjakter, 23 og 31. Sjakt 23 var 30,5 m lang, 15-20 cm djup og 3,5 m brei, med utviding til 6,5 og 7 m. Den var orientert VSV-ØNØ. Her vart påvist i overkant av 20 strukturar i området mellom6-25 m frå ØNØ-enden, med ei klar dominans innanfor området mellom8 og 16 m. Strukturane har form av grøfter, groper og mindre stolpehol. Vanskeleg å tolke samanhengen. Sjakt 31 var 15,5 m lang, ca 20 cm djup og 3,6 m brei. Orientert ØNØ-VSV. Her var påvist to strukturar nær sjakta si VSV-ende, derav ein eldstad.
Beskrivelse fra Enkeltminne:
I bakken ovanfor og sør av tunet på bnr 3 mot tunet på bnr 4 vart det ved flateavdekkingssjakting påvist eit område med tilsaman 23 strukturar fordelt på to sjakter. 21 strukturar i sjakt 23 og to i tilligande sjakt 31. Dei to strukturane i sjakt 31 er eldstadar. Linge brukar bevisst den vage nemninga "aktivitetsområde" om funna i sjakt 23. Gropene, grøftene og dei få stolpehola gjer tolkning mot hus ikkje utenkjeleg. Liten diameter på stolpehola gjer likevel at tanken på at desse kan vere spor etter hesajastaur ikkje ligg langt unna, samstundes som vi ikkje ser at vi får lange rekkjer. Dette gjeld uansett eit mindretal av strukturane. Dateringsprøver naudsynt for sikker alderavklaring. Funna ligg samla innanfor eit areal på 150 m lengd av vegtraseen og utgjer direkte konflikt. Funna ligg i bakke som skrånar ned mot eksisterande veg og vidare mot sjø mot nordvest.Utsyn utover Ørstafjorden mot det store fjordmøtet her på Søre Sunnmøre.