Fleire emne og avslag av grøn diabas vart plukka opp mellom strandsteinane i den tangfrie delen av vika. Innunder ei stor steinblokk som ligg 3 m O for fjørekanten, om lag 1 m o. h., vart det dessutan funne ei uslipt kjerneøks med tilhogging langs med egga. Storleiken på det funnførande området er om lag 5x10 m på sørsida av naustet og om lag det same på nordsida.
Lokaliteten ligg innan eit 2x2 m vidt område i eit 5 m breitt skard som går opp frå Djupevikja i austleg retning. I skaret ligg ei tett pakning med rullestein og funna vart plukka opp mellom desse steinane.
Lokaliteten har ei utstrekning på kring 30x15 m og ligg innan den øvre delen av fjøra i Vikja. Dei fleste funna låg i eit 5 m breitt belte ved flomålet. I tre av fire prøvestikk som vart tekne frå 1 til 10 m O for flomålet, vart det gjort funn av same slag som i sjølve strandbeltet. I prøvestikka låg funna i strandsediment frå toppen og 30 cm ned. Alle prøvestikka låg lågare enn 1 m over flomålet.Funnmaterialet frå denne lokalteten skil seg frå dei andre strandlokalitetane i Brandsøyområdet ved at her ikkje berre er knakkesteinar og emne og avslag av diabas, men også slipeplater og avslag av flint, skifer og kvartsitt. Deler av materialet er difor truleg utkasta eller naturleg transportert frå lokaliteten Vikja I, som ligg ovanfor.
Røysa er 9 m i diameter og om lag 0,50 m høg. Ho er bygd av 20-80 cm store kanta steinar/blokker, dei fleste måler 30-70 cm. Røysa er omrota og utkasta. Om lag i midten ligg ei utkasta kiste som måler 1,0 x 0,3 m, orientert NNO-SSV, og i søre kanten av kista ligg ein 1,5 m lang, 0,3 m brei og 0,2 m tjukk stein. Det står fleire 0,8 x 0,6 m store heller i vestre og austre kant av kista. I søre del av røysa ligg ein mogeleg bautastein som er 1,0 m lang, 0,3 m brei, avsmalnande mot toppen der han er 0,15 m brei.Mesteparten av steinen i røysa ligg naken i dagen, men ein del er dekte av mose. Gras og bregner veks mellom steinane i og rundt kantane av røysa.Røysa er bra markert, men lite synleg i lendet.
Helleren vert danna av eit heng i ein vestvendt, 8-10 m høg, bergvegg. Opninga er kring 5 m brei og om lag 25 m høg ytst. Helleren smalnar av i alle retningar innover. Største djupn er kring 3 m. Ved opninga er det grasmark, elles er hellergolvet dekt av berrlagd mold.Det blei ikkje teke prøvestikk i samband med registreringa.
Røysa fk.nr. 5/2 er 6 m i tverrmål, 0,5 m høg. Ho er bygd av 10-40 cm store steinar/blokker, men i midten ligg ein del større blokker på opptil 1,20 m. Steinane/blokkene er delvis mosegrodde. Røysa er ein del omrota i midten. Her kan ein sjå to mindre søkk. Det veks ein del busker i/ved røysa. Frå røysa er det utsyn mot aust. Røysa fk.nr. 5/3 ligg 7 m NV for fk.nr. 5/2 og er ca. 10 m i tverrmål, ca. 1 m høg. Ho er bygd av 10-70 cm store steinar/blokker som delvis er mosegrodde. Spor av fotkjede i nordaustre kant. Vestre kanten av røysa ligg inntil ei stor steinblokk. Det veks bjørk og einer i røysa.
Helleren, som vert kalla Storefjellshelleren, er eit heng ved foten av Storefjellet. Han er 10-12 m djup frå dråpefallet til inst inne. Helleren er ved opninga om lag 7-8 m høg og kring 10 m brei, inst er breidda om lag 2 m og høgda knappe 2 m. Golvet i helleren er dekt av sauemøk. Her ligg og mykje nedrasa steinar/blokker som einskilde stader synest vera ordna på og lagde i hop av menneske. Utanfor helleren er det ein kulturbanke, truleg danna av kulturjord som til ulik tid er hivd ut av helleren.Det blei ikkje teke prøvestikk i samband med registreringa.
Det er berre att ein liten uregelmessig rest av røysa. Røysresten er kring 3 m i tverrmål, heilt låg og tilgrodd med gras, mose og to store einebusker. Ein del 0,2-0,6 m store steinar/blokker stikk i dagen. S for røysresten ligg ein del utkasta steinar/blokker.
Røysa er 10 m i diameter, helst låg. Ho er bygd av 20-60 cm store steinar/blokker, men her finst også ein del heller som er 1,0 m lange. Røysa er noko omrota, og i OSO er bygd ein varde. Røysa er godt synleg og klårt markert i O. Mesteparten av steinane er nakne, men ein del er mosegrodde. Den sentrale delen av røysa er tilgrodd med gras, blåbærlyng og bregner. Tett inntil røysa i V og i SO-delen veks rognebusker.
Røysa er kring 6 m i tverrmål og 0,2-0,3 m høg. Ho har ei kappe av grasvaksen torvjord, men ein del 0,1-0,5 m store, helleforma steinar/blokker stikk i dagen, særleg langs kantane. Røysa er relativt klårt markert og bra synleg i lendet.