Toppen av røysa er omlag i nivå med vegbana. Over heile toppen er det innpåkasta småfallen rydningsstein. Under denne rydningssteinen kan ein i søre del og dels i den vestre delen sjå 0,2-0,5 m store steinar/blokker av gravrøyskarakter. P.g.a den innpåkasta steinen er avgrensinga heller uklår, med diam. tykkjest vere omlag 11-14 m orientert N-S. Sett frå S er røysa 1-2 m høg.Tolkinga som gravrøys er ikkje heilt viss p.g.a dei innpåkasta massane.
Den delen av berget som syner i dagen, måler kring 9 x 6 m, orientert N-S. Bergknausen, som er delvis tilgrodd med mose, har eit flatt parti på toppen, elles skrånar han relativt bratt mot S. I V fell bergknausen loddrett ned i kring 1 m høgd. Nedanfor kanten står det her ei rekkje med grantre og ei furu. I vestlege del av flata på toppen av knausen finst det minst 20 groper innanfor eit kring 90 x 50 cm stort område. Gropene er 2-7 cm vide og opptil 2 cm djupe, nokre er heilt grunne. Her kan vera fleire grunne groper, men dette er vanskeleg å avgjera avdi berget er ujamnt og noko vitra.
Gropehella er no for det meste dekt av ei 2,2 x 0,4 m stor og 0,15 m tjukk blokk som er komen frå eit moderne steinbrot. Berre kanten av hella stikk fram. Her er det to groper, 7 og 8 cm vide og 2-3 cm djupe. I fylgje Egil Bakka sin rapport måler hella 70 x 53 x 10 cm og har 5 groper. I to av gropene er det bora hol med minebor, i den eine tvers gjennom hella. Mellom gropene er "ein H-forma figur som synest vera folkeverk".
I 1880-åra låg det her ein haug. Under graving i haugen i 1885 kom ein ned på heller i firkant. Gravinga vart då stogga, jord lagt på att og marka tiljamna. Grunnen til at gravinga vart stogga var at den gamle bestemora på garden fortalde at det skulle falle ulukke over garden dersom haugen vart utgraven. (Ragnar Kleiven d.e. fortalde dette då Ludvik Søgnen registrerte her i 1971).
Steinen står i ei 1 m vid og 0,5 m høg tue. Han ris 1,75 m over bakken, er 80 cm brei nede, avsmalnande til 40 cm nær toppen og er 10-20 cm tjukk. Han hallar mot NNV.
Den austlegaste av røysene (røys 1) er ikkje heilt rund. Ho er 9 m O-V og 7 m N-S og kring 0,5 m høg. I søraustre kant er det eit stort sår der opp til 0,5 m store steinar/blokker stikk i dagen. Elles er røysa dekt av grastorv.Røys 2 ligg 23 m SSV for 1. Ho er 12 m i tverrmål og heller låg. Røysa er heilt dekt av grastorv.Røys 3 ligg 6 m VSV for 2. Ho er 8 m i tverrmål, heller låg og noko uregelrett i forma (truleg omrota). I midten er det eit lite søkk, der stein stikk i dagen nokre stader. Røysa er elles dekt av grastorv.Røys 4 ligg 6 m NV for 3. Ho er kring 8 m i tverrmål og låg. Nokre stader stikk det steinar/blokker i dagen, men elles er røysa dekt av grastorv. Avgrensinga av røysa er noko uklår og røysa kan ikkje seiast å vere utan tvil.
Røysa er om lag 25 m i tverrmål og 2-3 m høg. Ho ser høgare ut frå vegen (S-sida) enn frå N-sida. På alle sider, unnateke N-sida, er det fint lagde steinar som ein mur, om lag 1 m høg. Røysa er nokså flat på toppen. Ho er dekt med tjukk grastorv og i midten står det ein eggforma stein, med den butte enden ned.
Røysene ligg nokså tett på flata. Det er 40 m mellom ytste røysene i SV og SO og om lag 25 m mellom røysa i søraustre hjørnet og røysa i nordaustre hjørnet. Røysene er kring 5 m i tverrmål, bortsett frå ei langrøys som er kring 6 x 3 m, orientert VSV-ONO. Dei er mellom 0,25-0,75 m høge og dekt av grastorv. Steinar stikk i dagen i alle røysene. Røysa som ligg i nordaustre hjørnet er noko tvilsam.
Røysa syner seg i dag som to jamsides gåande vollar, orientert NO-SV, med eit kring 4 m breitt, langsgåande søkk mellom. I dette søkket ligg ei kiste, bygd av kantsette heller, i dagen. Kista er orientert ONO-VSV og ho er 2,20 m lang og 40-50 cm brei innvendig. Gavlane er bygde av berre ei helle kvar, nordre langvegg er tre heller og søre av fire. Både vollane og søkket er heilt tilgrodde med tjukk grastorv og heile røysa har ei utstrekning på kring 20 x 7 m, men er heller vanskeleg å avgrense nøgnare.