Haugen er knapt 9 m i tverrmål. Han er bygd inntil ein knaus i austre delen. Den vestre og søre sida er ca. 1 m høg. Haugen er heilt grasgrodd. I nordvestre del veks store einebusker og berget stikk fram. Det har vore grave litt i toppen i haugen.
Den vestlege delen av røysa ligg i noko hallande lende slik at ho er lett oval på skap, 12 m i tverrmål O-V og 10 m i tverrmål N-S. Røysa er kring 0,5 m høg. Ho er bygd av 20 - 50 cm store, kantete steinar/blokker, som ligg nakne i dagen. Berre i den skrånande vestlege delen veks det noko sprake. Røysa er ein god del utkasta, særleg mot V.
Røysa er 12 x 7 m vid og ca. 0,5 m høg. Ho er orientert NNV-SSO. Ho er bygd av 10 - 90 cm store steinar/blokker som no er svært mosegrodde. Røysa er tilvaksen med gras, lyng og einer i kantane. Ho er truleg noko utkasta i endane.
Haugen er 12-15 m i tverrmål, orientert NO-SV, og 2,5-3 m høg. I søre halvdel er ytterkantane noko utflytande. Haugen er i hovudsak tilvaksen med grastorv, men i søre del, der han er mest skadd, ligg ein del store steinar/blokker i dagen. Desse er jamtover 70-80 cm i største mål, men ei blokk er 150 cm stor. Desse blokkene ligg noko ned i "snittkanten", medan det opp mot toppen syner ein del grov grus. Haugen er noko avflata på toppen der det er sett opp to mindre steinbenker. På haugen veks nokre rognebusker og sju større furutre.
Gropesteinen Fetts fk.nr N 3 ligg om lag 40 m NV for selet til Arnstein Sandvik (det nordvestlegaste selet på vollen), i kanten på ein noko utydeleg sti. Steinen er om lag 1,35 x 0,75 m stor og om lag 0,3 m høg mot SO. Han er noko forvitra. Vi kunne telje 35 sikre groper. Her er tidlegare registrert 41 groper. Gropene er 2-8 cm i tvm. og 0,5-4 cm djupe. Gropene er spreidde over heile steinen. Dei er tydlegast i søre halvdel av steinen. M.a. er her ei svært tydeleg grop heilt i søre hjørnet, og om lag 25 cm NNO for denne ligg 4 groper i ein firkant på kring 0,15 x 0,13 m. Heilt i nordaustre kant av steinen er ei anna grop som er svært tydeleg.
Fetts fk.nr. N 2 ligg om lag 25 m NO for N 3 på eit sva om lag 3 m SSV for den midterste av dei 3 bekkene som renn over stølsvollen. Svaet ligg i kanten av ein naturleg, tilnærma rund haug. Den delen av svaet som stikk i dagen, måler 0,9 x 0,25 m, er orientert N-S og hallar lett mot N. På den sørlege delen av dette svaet ligg det 4 groper på rekkje innan eit 33 cm langt område, kring 8-10 cm innanfor kanten av svaet. Gropene er om lag 4-5 cm i tvm. og 0,5-3 cm djupe.
Gropeberget Fetts fk.nr. N 1 ligg om lag 20 m N for N 2, på den andre sida av bekken, om lag 10 m NNO for denne, og i ein bratt sørvendt bakke. Berget er 1,6 x 0,4 m stort, orientert O-V. Det er mykje forvitra og mosegrodd. Her er 15 sikre groper. Dei fleste i vestre del av berget. Heilt i vestre kant ligg 4 groper på ei 0,3 m lang line, orientert NV-SO. Om lag 10 cm SV for denne lina ligg ei einsleg grop. Om lag 20 cm O for den første lina går det ei 20 cm lang line med 3 groper O-V. 5 cm N for denne lina ligg ei einsleg grop. Kring 10 cm N for lina med 3 groper, går ei ny line, 20 cm lang, med 3 groper. Kring 10 cm SO for den siste lina, ligg ei einsleg grop. I austre del av berget ligg 2 groper på line O-V, med avstand 18 cm. Gropene er 2-5 cm i tvm. og 0,5-3 cm djupe.
Gropeberget Fetts fk.nr. N 4 ligg om lag 40 m VNV for selet til Arnstein Sandvik. På staden er eit nedrive sel. Her stikk det berg i dagen innan eit 7 x 4 m vidt område. Flata som gropene ligg på, ligg heilt i nordaustre hjørnet av dette området, på eit sva som ligg 20-25 cm høgare enn resten av bergflata. Svaet er kring 2,3 x 0,8 m vidt, orientert om lag VNV-OSO. Her er 3 sikre groper. 2 av dei ligg på line i orienteringsretninga til svaet, nær det austsøraustre hjørnet av dette, og om lag 18 cm rett inn for kanten. Om lag 5 cm nærare kanten ligg den tredje gropa. Gropene er om lag 6-10 cm i tvm. og 3-5,5 cm djupe.
Ein nyregistrert gropestein (Gropestein nr. 5) ligg om lag 20 m VNV for N 1, på andre sida av bekken tett ved denne, der han fell på det brattaste. Her er det svaberg og rett SO for gropesteinen eit lite grasvakse nes som stikk ut i bekken. Gropesteinen er om lag 0,75 x 0,80 m vid. Han er heilt flat og hallar mot SO. Her er 5 groper. 3 av dei ligg på ei om lag 0,45 m lang line langs øvre (nordvestre) kant. Om lag 20 cm ned mot SOligg det 2 groper på ei NO-SV gåande line, med 20 cm mellomrom. Gropene er om lag 2,5-5 cm i tvm. og 0,5-2 cm djupe.
Endå ein nyregistrert gropestein (Gropestein nr. 6) ligg om lag 30 m NNV for nr. 5 på same side av bekken, men godt inne på flata ovanfor den bratte hallinga. Bekken gjer her ein markert, rund sving mot SV. Gropesteinen ligg rett nedanfor denne svingen, og stikk noko ut i bekken. Steinen er om lag 1,5 x 1,5 m vid. Han er noko mosegrodd og lyngvaksen. Langs steinen går det ein rygg i retning O-V. Langs denne ryggen er det minst 25 sikre groper, 1-5 cm i tvm. og 0,5-3 cm djupe.
Samlinga måler kring 55 x 10 m, orientert O-V.Det vestlegaste berget i samlinga måler 16,5 x 6,5 m orientert VNV-OSO. Høgda i SV er om lag 1,4 m. Berget er mykje forvitra og ujamnt og tilvakse med mose og grastorv. Kring 4,5 m VNV for søraustre kant av berget er det ei om lag 3 m lang sprekke orientert N-S. På berget er det 4 sikre groper: 3 av dei ligg innan eit område på 1 x 0,2 m, orientert N-S, om lag 1 m innfor (VNV for) vestre kant av sprekka. Den fjerde gropa ligg på austre side av sprekka, lengst sør på berget, om lag 10 cm inn frå kanten. Gropene er 3-5 cm i tverrmål og 0,5-1,5 cm djupe.Om lag 4 m N for søre kant av det vestlegaste gropeberget ligg eit nytt berg som strekkjer seg om lag 8 m mot O. Dette berget tek til om lag der det første fell av mot SSO. Berget er om lag 4 m breitt i V og om lag 1 m breitt i O. Det er mykje forvitra og tilvakse med grastorv og mose. Høgda er om lag 0,75-0,5 m målt i S. Her er 4 sikre groper: 2 ligg heilt SO på berget med 10 cm mellomrom, om lag 5 cm inn frå kanten. 2 ligg N på berget, om lag 80 cm inn frå (V for) austre kant. Gropene er 5-7 cm i tverrmål og 1-2 cm djupe.Det tredje gropeberget ligg om lag 22 m ONO for austre spissen av det føregåande. Det er open grasmark mellom desse to berga. Berget måler kring 11 x 3 m orientert N-S. Berget stikk så vidt over grasmarka ikring. NO på berget er det 6 groper på line O-V. Gropene er 3-5 cm i tverrmål og 1-1,5 cm djupe.Om lag 3 m O for det tredje gropeberget ligg det austlegaste gropeberget i samlinga. Dette berget måler 7,0 x 2,5 m, orientert VNV-OSO. Høgda er om lag 0,25 m i SV. Berget er mykje forvitra og ujamnt. Her er 22 sikre groper innan eit 2 x 2 m vidt område, kring 1 m inn frå (OSO for) vestre kant. Gropene er frå 2-10 cm i tverrmål og frå 0,5-5,5 cm djupe.
Gropeberget Fetts fk.nr. N 10 ligg tett NO for selet til Per Prestegård. Her er eit kring 7 x 7 m vidt sva som hallar lett mot N. På den austre delen av berget, 3 m ONO for det nordaustre hjørnet på selet, ligg ei samling med 16 groper innan eit 1,1 x 1,1 m vidt område. Gropene er 0,5-2,5 cm i tvm. og 0,5-2 cm djupt. Kring 1 m VSV for denne konsentrasjonen ligg det 2 groper for seg sjølv med 8 cm avstand. Under trappa som fører inn i selet til Per Prestegård, stikk ein del av det helleforma berget fram i ei breidde av 20 cm mot SV. 10 cm inn for kanten er det her ei grop som er 4,5 cm i tvm. og 2 cm djup.Gropesteinen Fetts fk.nr. N 11 ligg 25 m O for selet til Per Prestegård, i bakken på den andre sida av bekken. Steinen ligg 12 m VSV for det nordvestre hjørnet på det lange selet som ligg lengst O på stølsvollen. Steinen er kring 1,0 x 0,8 m vid og hallar ein god del mot S. Overflata er svært knudret med kvartsklumpar isprengde over det heile. Her er 4 groper i øvre kant, 2,5-5 cm i tvm. og 0,5-2 cm djupe.Gropeberget Fetts fk.nr. N 12 ligg 30 m SO for selet til Per Prestegård, på andre sida av bekken. Her er eit heller flatt sva som endar i ein bratt vegg mot VSV. Lengst ute, der svaet får ei trekanta form mot VSV, ligg det 3 sikre groper innan eit 40 x 40 cm vidt område. Desse er 3-6 cm i tvm. og 1-2,5 cm djupe. Mogleg er her ei fjerde grop.
Røysa, som er om lag 10 m i tverrmål og 0,75 m høg, er mykje tilvaksen med lauvtre og kratt. Ho er bygd av steinar/blokker, om lag 0,1-0,5 m store, som for det meste er dekte av mose. Røysa er mykje utkasta i SV, S og SO. Det er innpåkasta noko rydningsstein. Røysa er uklårt markert og syner ikkje særleg godt i lendet. Om lag 10 m NO for røysa ligg mykje rydningsstein i dagen like nedanfor (SO for) terrassekanten.
Gropesteinen R 1, Fetts fk.nr. H 1, ligg 1 m utfor NV-hjørnet på selet til Skildheim. Steinen er 5,5 x 4,8 m orientert N-S og 1,6 m høg i S. Gropene ligg heilt på den søraustlege delen av steinen, innan eit område som er0,5 x 0,5 m vidt. Her er 6 sikre groper. Dei måler 4-7 cm i tverrmål og er 0,5-3 cm djupe.