Gravrøys, Lengde; 10,6 m, H 0,5 m. Røys 2 har ein tydeleg sirkulær formasjon med til dels stor stein. Steinane er tilgrodd med mose, og er i allfall ikkje rydningsstein frå dei seinaste åra. Dessutan er det vanskeleg å tenke seg at ein har rydda så store steinar for å legge dei midt inne på ¿øya¿. Det ville vore meir logisk om dei hadde ligge i ytterkanten av skogpullen om det var åkerstein ¿ dratt så kort so mogleg bort frå åkeren. Vi avtorva nokre kikkehull mot ytterkanten av røysa for om mogleg å finne ei avgrensing. Det er tydeleg at steinane er lagt på fast fjell. Røys 2 kan vere rund med ein diameter på 4 m, men den kan og ha ei meir utstrakt form både mot aust og vest. Da blir i så fall den fulle lengda 10,6 m. Røys 2 vart teikna inn på kartet som ei rund røys på 4 m. Forlenginga i vest vart teikne inn som røys 2a og forlenginga i aust som 2b. Røys 2a er nokså tilgrodd. Steinane er mindre enn i 2 og 2b. Røysa har ein diameter på 4,5 m lang. 40 ¿ 50 cm høg. Denne delen av røys 2 ser mest rydningsrøysaktig ut. Røys 2b er ei nokså sirkulær steinsamling med diameter på 2,5 m, ikkje høgare enn 25 cm. Den inneheld nokså stor stein som er tilgrodd. Bilete 25 ¿ 28 og 31 ¿ 35 syner røys 2.
Gravrøys; Lengde; 10 m, H 2 m. Røys 3 ligg på det høgste punktet i skogpullen, heilt på ytterkanten. Her er det utruleg flott utsikt langt utover fjorden mot vest. På det høgste punktet både på ¿øya¿ og røysa, ligg kjempestore steinar. Dette er ein tydeleg indikator på at dette ikkje er ei rydningsrøys, for kvifor lempe dei største steinane lengt inn og høgast opp om formålet berre er å rydde dei av åkeren? Innimellom dei store steinane er det fylt opp med veldig små stein, som igjen er for små til at dei har vore rydda av åkeren. Ytterkantane er veldig diffuse. Dette kan skuldast at det her er fylt på med åkerstein. Det er naturleg hellande terreng nedanfor røys 3, i vest, noko som forsterkar inntrykket av røysa. Sjakt B vart grave heilt inn til rota av røys 3 i nord. Her vart det registrert flassberg, og det er tydeleg at røysa er lagt på ein steinkolle i åkeren. Sjølve kjernen med dei store steinane er om lag 4 x 5 m. Men i si fulle utstrekning kan røys 3 vere så mykje som 10 x 17,5 m. Da blir høgda om lag 2 m. Bilete 25 ¿ 28 og 36 ¿ 38 er av røys 3.
Gravrøys, L 5 m, H 0,3m Røys 4 ligg mellom røys 7 i vest og røys 5 i aust. Det stikk fram naturleg berg i framkant av røysa, i vest, og den ligg flott til med utsikt over fjorden og med ei større røyser i ryggen (røys 5). Det vart felt tre og torva av nokre kikkehull for å prøve å få ei avgrensing. Røys 4 ser ut til å ha ei oval form på om lag 5 x 3 m. Den ser ut til å vere nokså fint pakka med små stein. Bilete 46 ¿ 49 og 52 ¿ 53 er av røys 4.
Gravrøys; oval. Lengde 10 m, H 0,5 m. 36,40 m HOH (RTK GPS) Røys 5 er heilt tilgrodd og ved å stikke med jordborr verkar det som om det er eit godt lag med jord over steinsamlinga. Det er vanskeleg å seie om det er naturleg berg i heile botn, men det stikk fram ein bergnabb i sør, mot nordveggen på hytta. Mellom sjakt C og D grov vi heilt inntil rota av skogpullen, som er eit par meter utafor rota av røys 5. Der var det ingen spor etter fjell, berre jord og stein. I bakkant, mot aust, flatnar røysa noko ut, men det er likevel ikkje dyrka her. Om dette tyder på at det heller ikkje her er langt ned til berg, eller om røysa strekk seg lenger i denne retning er usikkert. Røys 5 er 10 x 7 m opp mot 3 m høg. Bilete 46 ¿ 49 og 54 ¿ 55 er av røys 5.
Gravrøys: Oval, ujevn form. Lengde 5 m. H 0,5 m. Røys 6 er ein nokså uklår steinformasjon med mosegrodde steinar i ei tilnærma oval form på 5 x 3 m. Heile røysa ser ut til å vere fylt med til dels stor stein, men den er veldig låg og ligg heilt nede ved åkerkanten. Den er del av tidlegare registrert forminneområde. Om lag 45 m aust for denne ligg røys 2 i det tidlegare registrerte fornminneområde, Bilete 46 ¿ 49 og 57 er av røys 6.
Røys 7 ligg i den sørlegaste av dei tre skogpullane, heilt ute på tuppen av bergnabben i vest. I dag er det eit kvitt flymerke for flyfotografering på denne bergnabben. Dette merket nytta vi som fastpunkt til GPS-innmålingane (punktnr G23T0245 Statens kartverk, norgesglasset). Vi registrerte fire røyser på denne ¿øya¿ i tillegg til to mindre steinsamlingar som vart tolka som hagekunst. Skogpullen er større enn den i nord med ei hytte med utedo midt i. Bygginga av desse husa har tydeleg gjort inngrep og endringar i terrenget. Ein del marmorstein er brukt som grunnmur. Hytta har stått tom i mange år noko som har ført til at ¿øya¿ i åkeren har grodd att med tett lauvskog, kratt, tornebuskar og mengder med liljekonvall. På sørsida er det ein sterkt skrånande kant ned mot åkeren. I vest er det eit flatt platå framfor hytta før det blir ei bratt helling ned mot vegen. I nord ligg røys 4 og 5 på det høgste punktet i skogpullen, herifrå er det veldig bratt ned til åkeren og sjakt C og D. I aust er det ein falt overgang til åker. Skogpullen ligg i skrånande terreng mot vest, med berg høgt oppe i dagen på vestsida. Vi er om lag 34 moh. Rundt denne bergnabben med flymerket på ligg det mindre stein på alle kantar. Kan desse vere hivd utover frå toppen av bergnabben for å gjere plass til fastpunktet? Det ville i allfall ha passa godt med ei gravrøys yttarst på spissen, og all steinen rundt verkar misstenkeleg. Bilete 46 ¿ 49 og 56 er av røys 7.