Gravrøysa som er 10 m i diameter og 1,5 - 2 m høg, er lagd opp av 0,2 - 0,7 m store steinar/blokker på ein knaus. I NO-delen finst to søkk, 1,2 m vide og 0,7 og 0,9 m djupe. Langs kantane kan ein sjå muring i fleire skift. Det er mogleg dei er av nyare dato. På toppen av røysa ligg eit relativt grunt, men vidt søkk. Søkket er mosegrodd og det veks ein del gras her. I sentrum av røysa veks ein del eine, like eins langs kanten i NO-delen. Ho er mykje utkasta og av den grunn dårleg markert, men er godt synleg. Nedanfor røysa i NO ligg ein del stein som truleg er utkasta herfrå.
Røysa måler 6 m i diameter. Ho er omlag 1 m høg. I O er ho noko utkasta. Røysa er lagd opp av brotstein/-blokker frå 0,1 - 0,8 m store. I midten av røysa er bygd opp ein varde, omlag 1 m høg og 1,1 m vid. I vestkanten av røysa veks ein del brake og lyng, men i O er ho stort sett naken.
Samlinga er orientert NV-SO og strekkjer seg over eit 18,5 m langt område. Breidda varierer frå 4,5-11 m. Røysa heilt i SO er klårt markert, medan dei i NV er meir utydelege.Røysa fk.nr. 5/1 er 11 m NO-SV og 7 m NV-SO. På det høgste er ho 0,8 m. I røysa er eit krater, 1,8 m i tverrmål og 0,7 m djupt. Ho er bygd av nakne steinar/blokker, 0,1-0,6 m i tverrmål. I sørvestre kant av røysa ligg ei helle. Denne er 1,5 m lang, 0,8 m brei og 0,15 m tjukk. På røysa veks noko mose, bregnar og lyng, og midt i står eit rognetre.Røysa fk.nr. 5/2 er 4 m NV-SO og 5 m SV-NO. Høgda er kring 0,5 m. Det er få synlege steinar, avdi dei ligg under lyngen, men storleiken på dei ser ut til å vere 0,1-0,5 m.Mellom desse to røysene ligg nokre steinar som mogelegvis kan vere frå ei røys her. Tverrmålet på denne steinsamlinga er kring 4 m. Det er eit grunt søkk, 1,2 m i tverrmål. Høgda på denne noko tvilsame røysa er 0,3 m. Her veks lyng og mose.
Den graskledde forhøginga er 25 x 8 m, orientert NNO-SSV, og er spissoval av form, nærast som ein stor båt. Formasjonen er omlag 0,5 m høg og heilt flat på toppen, noko som kan skuldast at her har vore dyrka. Kor vidt haugen elles er menneskeverk eller natur, er vanskeleg å avgjera utan nærare gransking.
Haugen er 10 m i diameter og opp til 0,7 m høg. Han er graskledd, men nokre steinar stikk i dagen i O. I toppen av haugen finst eit grunt søkk etter utkasting. Her står nå eit hagebord av stein. Det er vanskeleg å avgrensa haugen som er dårleg markert. Haugen syner relativt godt att i lendet. Frå haugen hallar terrenget bratt nedover mot NO. Langs kanten i O veks eine, medan ei selje står i VNV. Ein stor bautastein låg ved foten haugen, men kom seinare i ein steingard og blei knust til vegfyll.
Kleberbrotet strekkjer seg over kring 100 m med hovudorientering VNV-OSO. I frå bakken og opp til 4 - 5 m høgd kan ein sjå ei rekkje spor etter kleberuttak. Desse spora er særleg tydelege der det ikkje veks tre og kratt framfor berget, ein strekning på kring 40 m. Her er det lengst O teke ut kleber ved bakken, slik at det er danna eit 7 m langt, 1,5 - 2,5 m høgt og opptil 2 m djupt overheng i berget. I kleberbrotet kan ein sjå fleire emne til kvadrar i ulike stadium. Som døme kan nemnast at litt V for midten av den delen av berget som ikkje har lauvtre framfor, 7 m O for ein røyrleidning som kjem ned langs berget, finst ved bakkenivå emnet til ein kvader som er 0,55 x 0,55 m vid og 0,2 - 0,25 m tjukk. I fylgje segna skal det i dette kleberbrotet vera hogge ut kvadrar til Mostra-kyrkja.
Flata med lokaliteten vert mot N avgrensa av låge, nakne sva, mot S av ein 10 m lang og 2 m rett bergrygg som går O-V. Her vart teke to prøvestikk med 2 m mellomrom. Begge stikka gav følgjande lagdeling: 18 cm med torv, 5 cm med gråsvart sandjord, 10 cm med grov sand, truleg gamal strand. Begge stikka var funnførande. Prøvestikk nord for flata var funntomme.
Innan det største vegetasjonsfrie området vart det funne ein flintkjerne og i det mindre området 15 m lenger mot ONO fleire gjenstandar og avslag av flint.
Lokaliteten ligg i hagen, i dyrka mark, til bruk 56/1. Her skal i tillegg nemnast at i nordaustre del av myra, innanfor 10 m V for Hovlandsvegen, ligg eit funnområde, 2 moh., nemnt av Fett som fk. 1/2. Elles kan nemnast at i samband med ei kloakkgrøft som blei teken opp i Sokkamyro si lengderetning, VSV-ONO, blei det oppteke funn frå lokaliteten fk. 1/4 i V til enden av grøfta i ONO. Her vart funne av ryolitt og grønstein: øksar, emne og avslag. Såleis kan ein sjå at heile Sokkamyro-området er svært funnrikt, og at ein bør rekna heile arealet som lokalitet frå steinalder.